Түркияда жойқын жер сілкінісінен зардап шеккендерге үй беріле бастады, — деп хабарлайды turannews.kz тілшісі «Анадолу» сайтына сілтеме жасап.
Жаңа пәтерлердің кілтін тұрғындарға ел президенті Реждеп Тайып Ердоған табыстаған.
«Жойқын жер сілкінісінен кейін 15 күннен соң жаңа жеке үйлердің іргетасы қалана бастады. Жалпы 507 мың пәтер салынады. Оның 319 мыңы биыл беріледі. 60 мыңға жуық пәтердің іргетасы қаланды. Жұмыс тоқтаусыз жүріп жатыр. Мақсатымыз — жер сілкінісінен зардап шеккен тұрғындарға барлық жағдайы жасалған, заманауи баспана салып беру», — дейді президент.
