АҚШ-та қазақтың қос қаламгері кітабының тұсауы кесілді. Белгілі тележурналист, ақын Жаңылхан Мәмежанқызының «Сөнбес сәуле» атты сұқбаттар жинағымен қоса зерттеуші Эльмира Ерікқызының «Алаш қайраткері Жанұзақ Жәнібековтің шығармашылық мұрасы» атты монографиясының таныстырылымы өтті. Аталмыш шараға Нью-Йорк фильм академиясы мамандары, профессорлармен бірге Біріккен Ұлттар Ұйымының өкілдері қатысты.
Отырыс «Біріккен Алаш» қорының жанынан құрылған Кітап клубының ұйымдастыруымен өтті. Қос туынды бір-біріне ұқсас. Бірі қазақ зиялыларының ескеліктерін дәріптесе, ал Элмира Ерікқызы Алаш қайраткерінің ерен еңбегін зерттеген.
ФРЕД СИЛЬВЕРМАН, НЬЮ-ЙОРК ФИЛЬМ АКАДЕМИЯСЫ ТЕЛЕРАДИОЖУРНАЛИСТИКА ФАКУЛЬТЕТІ ДЕКАНЫНЫҢ МІНДЕТІН УАҚЫТША АТҚАРУШЫ:
— Мен студенттеріміз Жаңылхан мен Эльмираның Нью-Йорк кино академиясындағы жетістіктерімен мақтанамын. Тіпті, келгелі бері жеткен жетістіктерін сөзбен айтып жеткізе алмаймын. Олар жаңа тілді үйренді. Олар бұрын соңды болмаған жаңа мекенге келіп, оқуда да, жаңа ортада да жетістіктерге жете білді. Бұл расымен де керемет.
Белгілі журналист Жаңылхан Мәмежанқызының кітабы «Сөнбес сәуле». Ол «Қазақстан» ұлттық телеарнасында өзі жүргізген бағдарламасындағы, өмірден өткен тұлғалардың сұқбатынан құрылған. Бұл туынды тұлғалардың мұрағатта сақталған сөздерімен құнды.
НҰРЛЫАЙЫМ ДАНАЕВА, ХАЛЫҚАРАЛЫҚ «БОЛАШАҚ» БАҒДАРЛАМАСЫ СТИПЕНДИЯСЫНЫҢ ИЕГЕРІ, NYFA ТӘЛІМГЕРІ:
— Сол шығармаларды біртұтас «Сөнбес сәуле» деп кітап етіп жинақтап, жеткізіп отыр. Енді екі ұрпақ еңбегі қазір жеткен болса, қазіргі ғасырдағы ХХІ ғасырдың ұрпақтары Американың төрінде бас қосып, Алаш кітап қорының үйінде бүгін үлкен жиын өткізді.
Ал Эльмира Ерікқызы саяси қуғын-сүргін құрбаны болған, алашордалық қайраткер Жанұзақ Жәнібековтің еңбегін зерттеген. Тұлғаның қалдырған мұрасын іздеп тауып, араб жазуынан аударып, талдап, саралауға, 11 жыл уақытын арнаған.
РЕДАКЦИЯНЫҢ МЕКЕНЖАЙЫ:
