Келес ауданының тұрғынынан 250 дана «трамадол» дәрісі табылды, деп хабарлайды ҚазАқпарат.
Түркістан облысы Келес ауданының 50 жастағы тұрғыны құрамында есірткісі бар 250 дана «Трамадол» дәрісін үйінде сақтаған. Тәртіп сақшылары психотроптық дәрілерді тәркілеп алды. Сондай-ақ, ер адамға заңға қайшы дүниелерді қолдануға болмайтындығын, оның денсаулыққа қауіпті екендігін түсіндірді.
«Аталған дерек Келес АПБ тіркеуге алынды. Полиция тарапынан жинақталған іс-құжаттар заңды шешім қабылдау үшін Денсаулық сақтау министрлігінің Медициналық және фармацевтикалық бақылау комитетінің Түркістан облысы бойынша департаментіне жолданды», — делінген облыстық полиция департаментінің баспасөз қызметі таратқан ақпаратта.
РЕДАКЦИЯНЫҢ МЕКЕНЖАЙЫ:
