Түркістандық қолөнер шеберлері жасаған бұйымдар ешкімге керек болмай қалды. Арнамызға 20-ға жуық шебер осылай арызданды. Айтуларынша, оларға әкімдік қаладағы туристер көптеп келетін жерлерден сауда орындарын ашуға мүмкіндік бермей отыр. Осының кесірінен қолөнершілер жасаған заттарын үйінде отырып сатуға мәжбүр екен.
Гаухарбек Күнхожаев қолөнер шебері. Ол ағаштарды ойып түрлі көне туындыларды жасайды. Енді ол Кесене маңайынан сауда жасауға рұқсат берсе дейді. Себебі қазір жасап жатқан дүниелерін үйде отырып сату өте қиын екен.
ГАУХАРБЕК КҮНХОЖАЕВ, ШЕБЕР:
— Визит центрдің ішінен орын берілген. Ол жерден адамда бармайды негізі. Саудаң болмаса ол жердің қажеті қанша. Сауда үшін ғана тұрмыз ғой. Алдыңғы жағынан беріңдер деп сұрағанбыз. Ол жерді асхана істейміз деді. Соған қарағанда беделді адамдар алған ұқсайды. Бұл айтыстар енді. Көзім көрмей ешнәрсе деп айта алмаймын.
Ал Түркістан облыстық кәсіпкерлік палатасы қолөнершілерді міндетті түрде қолдау қажеттігін айтады. Олардың сауда жасауы тек саудагерлердің қалтасын қалыңдатып қоймайды. Шаһарды келіп тамашалайтындар кәде сатып алып, туризмнің кеңінен насихатталуына сеп болмақ дейді.
ЕРБОЛ ӘУЕЛБЕКОВ, ТҮРКІСТАН ОБЛЫСТЫҚ КӘСІПКЕРЛІК ПАЛАТАСЫНЫҢ ЖОБАЛАРДЫ СҮЙМЕЛДЕУ БӨЛІМІНІҢ БАСШЫСЫ:
— Мына қолөнершілерді қолдауға бар күшімізді салып жатырмыз. Түркістан әкімшілігімен бірлесіп қолдау шараларын іздеп жатырмыз. 2021 жылы мәдениет министрілгіне, Түркістан облыстық әкімдігіне бұл мәселені айтқан болатынбыз.
Ал Түркістан қалалық әкімдігі болса бұл мәселені 2 апта көлемінде нақты шешімге келетіндіктерін жеткізді. Іс оңынан шешілген уақытта БАҚ өкілдеріне арнайы ақпарат тарататындықтарын айтты.
ТАЛҒАТ ҚЫДЫРБАЕВ, ТҮРКІСТАН ҚАЛАЛЫҚ ӘКІМДІГІНІҢ БИЗНЕСТІ ҚОЛДАУ ЖӘНЕ ТУРИЗМ БӨЛІМІНІҢ БАСШЫСЫ:
— Қазір біз облыстық «Атамекен» кәсіпкерлік палатасымен бірлесе отырып осы мәселені шешеміз. Осы қала аумағында арнайы ғимарат салу көзделуде. Бұл алдағы 1-2 апта көлемінде шешілетін болады.
Қолөнер шеберлерінің адамдар шоғыры көп жерде сауда жасауы әзірге уақыттың еншісінде болып отыр. Сондықтан шеберлерге күткеннен басқа амал жоқ.
РЕДАКЦИЯНЫҢ МЕКЕНЖАЙЫ:
