Демалыс күндері елдің солтүстігі мен орталығында 3 градусқа дейін үсік жүреді

Алдағы демалыс күндері ауа райы салқын болады. Скандинавия түбегінің ауданынан жылжыған антициклон Қазақстан аумағына әсер етеді, деп хабарлайды Turkistanzaman ҚазАқпарат .

«Атмосфералық фронталды бөліктердің өтуімен, 11-12 қыркүйекте жауын-шашынның ықтималдығы республиканың басым бөлігінде байқалады. Елдің солтүстігінде, шығысында, оңтүстік-шығыстың таулы аудандарында қатты жел соғып, жаңбыр және бұршақ жаууы мүмкін. 10-12 қыркүйекте батыста, 10 қыркүйекте шығыста, 11-12 қыркүйекте солтүстік-батыста, 12 қыркүйекте солтүстік және орталықта түнде топырақ бетінде 1-3 градус үсік жүреді», — делінген хабарламада.