Ақтөбе облысында алкоголь өнімдерін жасау және сатумен айналысқан астыртын цех анықталды, — деп хабарлайды TurkistanZaman ақпарат агенттігі Tengrinews.kz сілтеме жасап.
«Қаржы мониторингі агенттігінің Ақтөбе облысы бойынша аумақтық департаментінің қызметкерлері алкоголь өнімдерін жасау және сатумен айналысқан астыртын цех жұмысын анықтады. Күдікті өз үйінде әртүрлі атаудағы алкоголь өнімдерін өндіруді ұйымдастырып, дайын өнімді жалған есепке алу-бақылау таңбаларымен таңбалауды, кейіннен Ақтөбе қаласында сатуды ұйымдастырған», — делінген хабарламада.
ҚМА мәліметінше, тінту кезінде жалған акциздік маркалары бар «Qazaq aragy», «Синяя гора» және «Немирофф» дайын алкоголь өнімі, жасанды өнімді буып-түюге арналған құрылғылар табылып, тәркіленген. Дерек бойынша соталды тергеу басталды.
ҚР Қылмыстық-процесстік кодексінің 201-бабына сәйкес өзге мәлімет жария етуге жатпайды.
РЕДАКЦИЯНЫҢ МЕКЕНЖАЙЫ:
